დაუნის სინდრომის მქონე ბავშვის განვითარების შეფასება აქტიურად ხორციელდება პედიატრების და სხვა სამედიცინო პერსონალის მიერ, საჭიროებიდან გამომდინარე. დაახლოვებით 4 წლის ასაკისთვის გარდა ჯანმრთელობის მდგომარეობის შეფასებისა, სასურველია, მოხდეს ბავშვის შეფასება ფსიქოლოგის მიერ.
ფსიქოლოგი განსაზღვრავს ბავშვის ძლიერ და სუსტ მხარეებს, ინტელექტუალურ პოტენციალს და საგანმანათლებლო საჭიროებას. ამასთან, იძლევა დამხმარე ინდივიდზე მორგებულ რეკომენდაციებს მშობლებისთვის თუ მასწავლებლებისთვის. შეფასება არ უნდა იყოს ერთჯერადი, ის უნდა ხორცილდებოდეს ყოველწლიურად, ან 2-3 წელიწადში ერთხელ, რათა მოხდეს ბავშვის მიღწევების და უნარების განვითარების მონიტორინგი, მისი საგანმანათლებლო პროცესში ეფექტურად ჩართვის მიზნით.
მნიშვნელოვანია, ბავშვის და მისი საჭიროებების შეფასება მოხდეს ასევე სოციალური მუშაკის მიერ, რათა დარწმუნებული ვიყოთ, რომ ბავშვს არ ექმნება რაიმე ბარიერი სახელმწიფო სერვისებით სარგებლობისა თუ საგანმანათლებლო დაწესებულებაში ჩართვის მხრივ.