დაკვირვება ერთ-ერთი ყველაზე ეფექტური გზაა ადრეულ ასაკში ბავშვის კვებითი სირთულეებისა და საჭიროებების გამოსავლენად.
როდესაც ბავშვს აქვს კვების და ყლაპვის სიძნელეები, შესაძლოა ავლენდეს შემდეგ ნიშნებს:
- აქვს ძუძუთი ან ბოთლით კვების სირთულეები
- ტირის, შფოთავს, აღზნებულია კვების დროს
- ახასიათებს ხშირი რესპირატორული ინფექციები
- კვების პროცესში პერიოდულად აჩერებს სუნთქვას (აპნეა)
- აქვს სხვადასხვა ტექსტურის საკვების მირთმევის სირთულეები
- ბავშვი არ მიყვება კვების განვითარების ეტაპებს და გართულებულია ასაკის შესაბამისად კვება
- აღენიშნება ღეჭვის ან კბეჩის სირთულე
- უჭირს ჭიქიდან დალევა
- ხშირად აღებინებს, ან აქვს ღებინების ნიშნები კვებისას
- კვების დროს საკვები გადმოედინება პირიდან, ან ცხვირიდან
- აქვს კვების მწირი რაციონი
- სჭირდება დიდი დრო კვებისთვის
- აქვს წონის მატების სირთულეები
- გამოხატულია ქცევის სირთულეები, რაც გავლენას ახდენს კვების პროცესზე.
ზოგიერთი ბავშვის შემთხვევაში, ჩამოთვლილი ნიშნები შესაძლებელია ვლინდებოდეს როგორც ცალკეულად, ასევე კომპლექსურად - რამდენიმე ერთად. მნიშვნელოვანია მათი ადრეულ ასაკშივე აღმოჩენა და კონკრეტული სპეციალისტისთვის მიმართვა.