ყურადღების დეფიციტის მქონე ბავშვი, შესაძლოა გაკვეთილზე იჯდეს, მაგრამ მისი გონება დაკავებული იყოს სხვადასხვა, გაკვეთილისგან დაუკავშირებელი ფიქრებით. ყურადღების ხარისხის გაუმჯობესებითვის რამდენიმე სამუშაო ეტაპია:
ყურადღების გამოწვევა -გარემო და აქტივობა უნდა იყოს დინამიური და საინეტერესო, რომ ბავშვი იყოს მოტივირებული, შეინარჩუნოს ყურადღება გაკვეთილის დროს.
ფოკუსირება - ბავშვი ეუფლება სტრატეგიებს, თუ როგორ მოახდინოს საკითხისადმი ყურადღების მიქცევა ძალისხმევის გამოყენებით და როგორ აწარმოოს თვითმონიტორინგი.
შენარჩუნება - ამ ფაზაზე მოსწავლეს მოეთხოვება შეინარჩუნოს ჩართულობა ხანგრძლივად, რათა მიიღოს საჭირო ინფორმაცია ან დაასრულოს დაწყებული აქტოვობა, ამის მიღწევას აადვილებს შემდეგი სტრატეგიები:
- დასვით მოსწავლე კლასში წინა მერხზე
- მოარიდეთ ხმაურის წყაროს-კარებს, ფანჯარას, ზედმეტად აქტიური მოსწავლის გვერდით ჯდომას
- გაზარდეთ მერხებს შორის დისტანცია
- საჭიროების შემთხვევაში, დავალებაზე უკეთ კონცენტრირებისთვის, მიეცით ხმაურის დამხშობი ყურსასმენების გამოყენების საშუალება.
- კედლებზე არ უნდა იყოს გამოკრული ბევრი ვიზუალური მასალა, იმ შემთხვევაში, თუ ეს მასალა ხშირად გჭირდებათ, გააკეთეთ თეთრი ფარდები მასზე და დაფარეთ არასასაჭირო შემთხვევაში.
- მიიქციეთ ბავშვის ყურადღება ინტონაციების შეცვლით თუ ისეთი ფრაზების გამოყენებით, როგორიცაა- მაგ. “ ეს ძალიან მნიშვნელოვანია”, “ყურადღებით მომისმინეთ” შემდეგ გააკეთეთ პაუზა, დარწმუნდით რომ გისმენთ და დააფიქსირეთ სათქმელი.
- გამოიყენეთ ვიზუალური მასალა
- არსებითი დეტალები დაწერეთ დაფაზე
- მიეცით ხშირი შესვენების საშუალება ან დაუნაწევრეთ დავალება და მიაწოდეთ ეტაპობრივად
- შეამცირეთ აქტივობების დრო და გაზარდეთ რაოდენობა
- შესავალში ჩამოწერეთ მოკლე გეგმა დაფაზე, რის შესახებაც აპირებთ საუბარს გაკვეთილის მსვლელობისას, მოკლედ შეაჯამეთ ინფორმაცია გაკვეთილის დასრულებისას
- ახსნისას ხშირად გამოიყენეთ ინტერაქციული მიდგომა, კლასის ჩართულობით
- თუ ატყობთ, რომ მოსწავლე არ გისმენთ, მიმართეთ სახელით, დაუსვით მარტივი კითხვა, თემაზე გადასასვლელად, ან გამოიყენეთ არავერბალური მიმანიშნებლები, მაგალითად მხარზე ნაზად შეხება, მის მერხთან მიახლოვება, თვალით კონტაქტის დამყარება და სხვ.
- ასწავლეთ, როგორ გახდეს მისივე ყურადღების დარაჯი. მიეცით თვითმონიტორინგის ცხრილი, სადაც შეძლებს დააფიქსიროს აქტივობის დაწყების და დამთავრების დრო, ასევე მონიშნოს ყუადღების კონცენტრირების სიხშირეები.
- ხშირად მიაწოდეთ უკუკავშირი, შეუმოწმეთ დავალება, დააფასეთ და წაახალისეთ მისი ძალისხმევა.