გულყრის მიმდინარეობისას პირველადი დახმარების ზოგადი პრინციპები:
- შეინარჩუნეთ სიმშვიდე და გამოიძახეთ სასწრაფო დახმარების ბრიგადა (სდბ);
- ადამიანი მოათავსეთ ჰორიზონტალურ მდგომარეობაში მყარ ზედაპირზე (მაგ. საწოლზე, ტახტზე, იატაკზე, ტროტუარზე), გადააბრუნეთ გვერდზე, თავქვეშ ამოუდეთ რბილი საგანი (მაგ., ბალიში, ქურთუკი, ჩანთა), მოხსენით სათვალე და უზრუნველყავით მისი უსაფრთხოება (მოარიდეთ ბასრ საგნებს, ცეცხლს);
- დარჩით მასთან მანამ, სანამ სასწრაფო დახმარების ბრიგადა არ მოვა, ან გულყრის მიმდინარეობა არ დასრულდება და იგი ჩვეულ მდგომარეობას არ დაუბრუნდება;
- დაინიშნეთ გულყრის დაწყებისა და მიმდინარეობის დრო;
- დააკვირდით გულყრის თითოეულ დეტალს, ჩაინიშნეთ და ეს მონაცემები აცნობეთ ექიმს;
- შეტევის შემდეგ, აგზნების შემთხვევაში, ნუ ეცდებით მის ძალდატანებით დამშვიდებას, ამან შესაძლოა გაახანგრძლივოს გულყრის შემდგომი პერიოდი. მისი უსაფრთხოების მიზნით იყავით მასთან ერთად და ესაუბრეთ მშვიდად.