გავრცელებულია ცერებრული დამბლის ტოპოგრაფიული კლასიფიკაცია, რომლის დროსაც მოცემულ ზოგად დიაგნოზთან (ცერებრული დამბლა) და დარღვევის სიმძიმესთან ერთად (მსუბუქი, საშუალო, მძიმე), მიეთითება დაზიანებული სხეულის ნაწილი და / ან მხარე.
ტოპოგრაფიული კლასიფიკაციისას გამოიყენება შემდეგი ორი ტერმინი:
- პარეზი, რაც ნიშნავს კუნთების სისუსტეს
- პლეგია, რაც ნიშნავს კუნთების პარალიზებას (მოქმედების უნარის დაკარგვას).
შესაბამისად, ცერებრული დამბლის დიაგნოზს აზუსტებენ დაზიანებული მხარის და სხეულის ნაწილის მითითებით შემდეგნაირად:
- მონოპლეგია / მონოპარეზი: დაზიანებულია სხეულის მხოლოდ ერთი კიდური, ეს შეიძლება იყოს ჰემიპლეგიის / ჰემიპარეზის ქვესახე, რომლის დროსაც დარღვევა გამოხატულია უპირატესად ერთ კიდურში
- დიპლეგია / დიპარეზი: უპირატესად დაზიანებულია ქვედა კიდურები ზედა კიდურებთან შედარებით
- ჰემიპლეგია / ჰემიპარეზი: დაზიანებულია სხეულის ერთი მხარის ორივე - ზედა და ქვედა კიდური
- პარაპლეგია / პარაპარეზი: დაზიანებულია სხეულის ორივე ქვედა კიდური
- ტრიპლეგია / ტრიპარეზი: დაზიენულია სამი კიდური. შესაძლებელია ორივე ხელი და ერთი ფეხი, ან ორივე ფეხი და ცალი ხელი, ან - ერთი ზედა, ერთი ქვედა კიდური და სახე.
- ტეტრაპლეგია / ტეტრაპარეზი: დაზიანებულია ოთხი კიდური, თუმცა დარღვევა გამოხატულია უპირატესად სამ კიდურში.
- კვადრიპლეგია / კვადრიპარეზი: დაზიანებულია ოთხივე კიდური და ტორსი, თავის ჩათვლით. მაღალი ტონუსი უფრო მეტად გამოხატულია ხელებში. ამ ფორმას ახასიათებს სხვა თანმდევი გართულებები, ხშირია ეპილეფსიური გულყრები.
- პენტალპლეგია / პანტაპარეზი: დაზიანებულია სხეულის ოთხივე კიდური, კისრისა და თავის ჩათვლით, კვებისა და სუნთქვის გართულებებით.