მოსწავლის ჰიპერაქტივობა გამოწვევაა არამხოლოდ მისთვის და მასწავლებლისთვის, არამედ მთელი კლასისთვის. შეიძლება გაკვეთილზე ყოველ 2-3 წთ.ში წამოდგეს და გათალოს ფანქარი, 10-ჯერ დაუვარდეს კალამი, იმოძრაოს დაუსრულებლად როგორც კლასში, ასევე სკამზე. მათ ფიზიკური აქტივობა სჭირდებათ.
- სთხოვეთ შეასრულოს ისეთი დავალებები კლასში, რაც მოძრაობას მოითხოვს, მაგალითად- დაიხმარეთ ნამუშევარი პრეზენტაციების გაკვრაში, ნაწერების აგროვებაში, მიეცით კონკრეტული დრო, როცა შეძლებს წყლის დალევას ან ფანქრის გათლას...
- შეურჩიეთ სკამი, რომელიც ჩაანაცვლებს მისი წამოდგომის და კლასში მოძრაობის მოთხოვნილებას. კერძოდ, შესთავაზეთ სკამი, რომელიც ირწევა, ან დაუმაგრეთ რეზინის ლენტი მაგიდის ან სკამის ფეხებს შორის, რომელზეც შეძლებს ფეხების მოძრაობას.
- მიეცით შესაძლებლობა, იქონიოს ხელით სათამაშო დრეკადი “სტრესის ბურთულა” და გამოიყენოს ის, როდესაც მოძრაობის მოჭარბებული მოთხოვნილება გაუჩნდება.
- შეიმუშავეთ წესები, თუ როგორი ქცევებია მისაღები კლასში- შესაბამისი წამახალისებლებით.
- მიეცით დამხმარე სია, რომ აკონტროლოს რა რის შემდეგ უნდა გააკეთოს
- როცა შესაძლებებლია, მიეცით საშუალება, დავალება შეასრულოს კომპიუტერზე, რაც ამცირებს ჰიპერაქტიურ ქცევებს გაკვეთლზე.
- არ მისცეთ შენიშვნა პიროვნულად, მიუთითეთ იმ ქცევაზე, რასაც მისგან ითხოვთ. ( მაგალითად ნაცვლად “ რა მოუსვენარი ხარ” უთხარით “დაუბრუნდი შენ ადგილს”).
- გაუკეთეთ იგნორირება ისეთ ქცევებს, რაც მინიმალურად აისახება საგაკვეთლო პროცესზე (ქცევებს, რომლითაც არც სხვას ვნებს, არც საკუთარ თავს. მაგალითად, თუ წაიღიღინა თავისთვის, ირწევა სკამზე..).
- დავალების შესრულებისას, მიეცით მეტი დრო, ან შესაძლებლობა, რომ დაასრულოს დავალება სახლში.